Bune   vacanse

L'è primavera; rìiva al bel serèen,

le rundanine, alegre, in ciel le vula

e vegnerà l'estàat, in d'en balèen,

cul sùul e cun le ferie che cunsula.

Partirà tanta gèent e in seu la piasa

ghe resterà, apèena, en quàal piciòon,

ma me despiàas perchè anca lu el ne làsa

perchè 'l và in ferie anca el nost " Cantòon".

Cul sò fardél  de posta, de cansòon,

naumer del lott, robe alegre o serie

infòond, sé: anca lu 'l g'à regiòon

gudìise en pò le meritàade ferie !

Però, per nuàalter, quanta nostalgia

nel sènter peu la vùus del bòon Daquàat....

gh'arùm na ponta de malincunia

fina a chel dé che 'l sarà mìa turnàat!