Due di Novembre
Due de Nuvèember: giurnàada grìisa,
forse, de l'ànn, el dé pusè séeri:
putéi e òmm, cun cravàta e camìisa,
i và a fà visita al cimitéeri.
En sègn de crùus e pò na preghiéera,
na lacrima.... en " puaréené " in méze ai dèent...
n'alter scurlòtt de tésta... e vèen la sera;
intàant, la sfòla teuta la gràan gèent!
Le dòne, riunìide in capanéll,
i è amò a ciciaràa per ricurdàa
n'amìigh, en fiòol, el pàader o 'n fradèl
che pudrà mai, le dìis, desmentegàa.
Ma in meza, de buntàa, a le esaltasiòon,
Pierino, chél baloss, el gh'à pensàat:
" Ma se in di cimiteri i è teuti bòon,
i nost Parlamentàar....in dùa i vèen suttràat ? "
