Pover asenéen
El g'à giràat amò, povero asenéen,
el g'à giràat cul fredd e cul nebiòon
ma pur de fàa cuntèent, cui sò beléen,
putéi e putéle che g'à fatt i bòon.
L'ultim, amò, che 'l và avanti e indrée
fin che le gèerle le sarà mia vòode:
adèss.... gh'è peu gnàan n'asen che và a pée....
i guida teuti, ormai, le " quater ròode" !
Adèss, i asen, i và teuti a scòola
e se, per caso, i capiss mai gnèent,
per luur ghe resta na risursa sola:
Métese in lista...... per el parlamèent!