Tra due comari
( La prima )
- Tée.... dìme èn pò; èel vera?
J Dìis che tò fradél
el ghe fà 'n pò de céera
a euna de Gruméll....
Ormai , teuti i la sà
che lée l'è " del mestéer ",
che lùu l'è sèemper là....
Puarina, sò muéer !
Càt, ma vuàalter disì gnèent,
cun na dòna che patìs,
fàa parlàa teuta la gèent
e stà lé teuti bèi schìss ?-
( La seconda)
- Ma sè.... Scùulta, mé fradél
che l'è bràao, che l'è bòon,
che l'è giòoin, che l'è bèll,
anca lu 'l g'à 'n pòo regiòon...
Ma sé.... insòma... àan lu m'à fàal
cun la dòna sèem malàada
avanti e indée da l'uspedàal...
la vèen longa la sunàada! -
( la settimana dopo
tra la seconda e la prima)
- El cunuset té chèl là?
Puarètt, el gh'à na spùusa
che l'è quasi, ormai " de là"...
lùu, però, 'l gh'à la murùusa!-
- Quàand s'è in chéle cundisiòon
se pòol mìia diventà fràat....
bèh..., na quàal sudisfasiòon
la ghe vòol, Signùur beàat !-
- E cun na muéer malàada
lu 'l và in gìir cuma 'n bislacc
a truàa chéla sgiandàada?
Bhe....alùura l'è 'n vigliàcc! -