Vegni subit!
-" E alùura? L'è n'ùura che spéti.....
ma sèet gnamò pronta, perdìa?"-
-" Se: apèena en minùut, che me méti
en pò de rusètt e 'ndòmm via!"-
-" En minùut? Beh, alùura gnàan tàant...
de peu che àle nòov i cumincia!"-
-" Me méti le scàarpe e i guàant.....
té, intàant, légg en pò <La Pruvìincia > ! "-
( E dopo n'ureta) : -" Che speusa!
Ma sa gh'èet miss seu... el rosmarino?
Dài.... spìcete en pòo, o stiméusa..!!"-
- " No, caro....., questo è Valentino!"-
- " Sarà..., ma per mé 'l gh'à n'udùur...!"-
-" Profumo , e chél bòon.... sé, l'ho mìss
per sèenter mìia tàant de sudùur
in seu la camisa de pìss!
Me dò, adèss, na raviadina
ai cavéi, fò 'n pò de rìss.....
pò me dò na giustadìna
anca al pèto, che l'è schìss..!"-
-" Ara....., scùulta...., fùmm cusée
( che l'è lòonga chì la féera...!)
sta vestìida e..... dorma in pée......
ghe 'ndarùmm dumàan de séera!!!"-
.jpg)
