Santa Lusia
( Létera d'en Minister )
Tra pòoc, Santa Lusia, sarà 'l tò dé,
e i prega, e i spera teuti i puteléen
e cun el " fermo posta" i scrìiv a té
n'urdinasiòon: na meucia de beléen!
La Santa, ormai, l'è bèle abituàada
a cuntentàa 'n pò teuti o quasi, insòma,
ma 'n dé la ciàpa na telefunàada
d'en tal Minister che gh'è zò a Roma.
- " La sèenta, signorina; ghe pàar bèl
( ma forse lei non sa chi sono io!!! )
che chél dé là apèena el putél
el tròoa in s'el tàaol ogni ben di Dio ?
No: L'è pru el tèemp che la gèent la dorma..,
de particolarismi en podum peu!
E alùura??? G'ò allo studio na riforma....
... la sculta, gh'è mia tàant de rìder seu!
Regài per teuti, ghe sarèss mia màal
e mìia apèena ai giòoin, sè, perchè in fòond
l'è en pò en problema anca suciàal...
( ghe dìsi sa me piasarèss a me? )
La sèenta; la me manda mia a l'inferno
anca se la preghiera mia l'è chéla
de stà amò al cadreghìin en pò al Governo
e.... ogni tàant.... na Santa bustaréla !!! "